Жаңалықтар

Кеңестің негізгі миссиясы — медицина қауымдастығының күш-жігерін үйлестіру арқылы кәсіби сенімді нығайту, кадрлық саясатты құзыреттілікке бағыттап дамыту және мамандардың біліктілігін объективті растау.

Іс-шараға отандық жетекші сарапшылар, құзыреттілікті бағалау жөніндегі шетелдік ұйымдардың өкілдері (Өзбекстан, Қырғызстан), NBME және NCSBN халықаралық серіктестері, медицина білім беру және ғылым ұйымдарының басшылары, сондай-ақ кәсіби медициналық қауымдастықтардың өкілдері қатысты.

ҰТЕО төрайымы Орталықтың медициналық кадрларды даярлау сапасын қамтамасыз етудегі маңызды рөлін атап өтті: нормативтік-құқықтық базаны жетілдіруге қатысу, бағалау әдістемелерін әзірлеу, мемлекеттік және білім беру ұйымдарына консультациялық қолдау көрсету. 2024–2025 жылдары ҰТЕО 40 мыңнан астам тәуелсіз бағалау рәсімдерін өткізіп, 185 мамандық бойынша жаңартылған сертификаттау моделін енгізді.

Отырыс барысында орталық алты жылдан астам уақыт бойы әзірлеген маңызды бастама — Орталық Азия Хабының құрылатынын ресми түрде жариялады. Осы уақыт ішінде ҰТЕО тәуелсіз бағалаудың орнықты инфрақұрылымын қалыптастырып, NBME және NCSBN сияқты жетекші халықаралық ұйымдармен серіктестікті нығайтты. Бұл орталыққа Орталық Азия Хабын құру жөніндегі бастамамен шығуға мүмкіндік берді.

Орталық Азия Хабы өңір елдері үшін бірыңғай кәсіби алаңға айналады. Оның мақсаты — емтихан рәсімдерін стандарттау және біліктілікті бағалаудың ортақ тәсілдерін дамыту. Жоба аясында түлектер мен практик-мамандардың біліктілігін бағалауға арналған бірыңғай талаптар әзірленеді. Бұл бастама біліктіліктердің өзара салыстырмалылығын қамтамасыз етіп, медициналық кадрлардың мобильдігін арттыруға және Орталық Азия елдерінің денсаулық сақтау жүйелерінің интеграциясын күшейтуге ықпал етеді.

Ұлттық тәуелсіз емтихан орталығының мамандары «Көп нұсқалы тест сұрақтарын әзірлеу және сараптау әдістемесі» тақырыбында семинарды сәтті өткізді.

Іс-шара аясында қатысушылар:

• MCQ тест сұрақтарын (жаңа түрлері: F- және G-типтері) жазудың теориялық аспектілерін үйренді,
• Компьютерлік кейстер әзірлеуді меңгерді,
• Құнды практикалық дағдылар алып, оларды интерактивті форматта пысықтады.

Оқу нәтижелері бойынша оқытушылар тестолог/сарапшы сертификаттарына ие болды.
Барлық қатысушыларға белсенді қатысуы және кәсіби өсуге деген ұмтылысы үшін алғысымызды білдіреміз!
Мұндай семинарларды еліміздің басқа жоғары оқу орындарында да өткізу жоспарлануда.

Ынтымақтастықтың негізгі мақсаты – денсаулық сақтау жүйесін жетілдіру мен қоғамдық денсаулықты қорғауға бағытталған ұзақ мерзімді серіктестікті нығайту.

Бұл меморандум медициналық білім беру, мамандарды кәсіби даярлау және медициналық қызметтердің сапасын арттыру салаларында күш-жігерді біріктіруге жасалған маңызды қадам болып табылады.

ҰТЕО қауымдастықтармен тығыз ынтымақтаса жұмыс істейді. Қауымдастық мүшелері мамандардың біліктілік деңгейлеріне сәйкес құзыреттерін бағалайтын сараптамалық комиссияның жұмысына қатысады, сондай-ақ емтихан материалдарын әзірлеу мен сараптауға атсалысады.

Ұлттық тәуелсіз емтихан орталығының мамандары «Көп нұсқалы тест сұрақтарын әзірлеу және сараптау әдістемесі» тақырыбында семинар-тренинг өткізуде.

Қатысушылар оқу нәтижелерін сапалы бағалауға бағытталған заманауи емтихан материалдарын дайындау әдістерін меңгереді.

Тренинг аясында:

• жоғары деңгейдегі күрделі сұрақтарды әзірлеу бойынша тәжірибелік сессиялар өткізіледі;
• бағалау құралдарының әртүрлі түрлерін жасау бойынша практикалық жұмыстар беріледі.

Алынған білім мен дағдылар медициналық білім берудің негізгі кезеңдерінде жаңа тәсілдерді тиімді пайдалануға мүмкіндік береді.