Ақпарат

Кешіріңіз, бұл бөлім пысықталуда!

Біздің емтихандарымызды профессорлық-оқытушылық құрам  Кәсіби қоғамдастық өкілдерімен және практик мамандармен бірлесіп құрады, бұл – жоғары сапалы емтихандарды құрудың негізгі құрамдас бөлігі.

Жоғары алқалы кеңес (ЖАК) – «Ұлттық тәуелсіз емтихан орталығы» РҚБ тұрақты жұмыс істейтін кеңесші органы.  

ЖАК мақсаты – стратегияны үйлестіру және Қазақстан халқына қауіпсіз және тиімді медициналық көмекті қамтамасыз ету үшін денсаулық сақтау мамандарының кәсіби құзыреттерін арттырудың бірыңғай тәсілдері мен саясатын қалыптастыруға жәрдемдесу.

ЖАК құрамы кәсіби медициналық қауымдастықтар, Қазақстан Республикасының Ұлттық денсаулық сақтау палатасы, Қазақстан Республикасының медициналық білім және ғылым ұйымдары, облыстардың және Астана, Алматы қалаларының денсаулық сақтау басқармалары, сондай-ақ Қазақстан Республикасы Парламенті Сенаты мен Мәжілісінің депутаттары ұсынған кандидаттардан қалыптасты.

Үйлестіру кеңесі (ҮК) – «Ұлттық тәуелсіз емтихан орталығы» РҚБ тұрақты жұмыс істейтін пәнаралық консультативтік-кеңесші орган.  

ҮК мақсаты медицина мамандықтары бойынша кәсіби қоғамдастық өкілдерінің, ғалымдардың, Денсаулық сақтау практиктерінің, білім беру мекемелерінің және мемлекеттік органдар өкілдерінің өзара іс-қимылы және практика мен қоғамның қазіргі заманғы қажеттіліктеріне сай кадр саясатын жетілдіру үшін күш-жігерін шоғырландыру.

ҮК құрамы Денсаулық сақтау секторындағы жеке және заңды тұлғалардың өкілдерінен: үкіметтік емес ұйымдардан, Денсаулық сақтау саласындағы кәсіптік бірлестіктерден (қауымдастықтар, одақтар), Денсаулық сақтау саласындағы білім беру және ғылым ұйымдарынан құрылды.

ҮК құрылымына қызмет бағыттары бойынша бейінді комитеттер кіреді:

• Денсаулық сақтау саласындағы кәсіби қызмет комитеті;
• Денсаулық сақтау саласындағы білім беру мәселелері жөніндегі комитет;
• Қоғаммен байланыс комитеті.

ҮК бейінді комитеттеріне мүшелік бейінді комитет қызметінің бағыты бойынша барлық денсаулық сақтау мамандарына қолжетімді. ҮК  мүшелерінің және оның бейіндік комитеттерінің қызметін ҰТЕО атқарушы органы жыл бойы бақылайды және мүшелерге жоғары алқалы кеңестің жыл сайынғы отырысында хабарланады. 

Бейіндік комитеттің мүшелігіне кіруге өтініш беру.

«Ұлттық тәуелсіз емтихан орталығы» РҚБ – бұл кәсіби қызмет субъектілерінің ерікті мүшелігіне негізделген өзін-өзі реттейтін ұйым. 2018 жылдан бастап денсаулық сақтау саласындағы өзін-өзі реттейтін ұйымдардың тізіліміне кірген.

ҰТЕО өзін-өзі реттеудің жалпы принциптері:

1. заңдылық – «өзін-өзі реттеу туралы» Қазақстан Республикасының Заңына сәйкес өзін-өзі реттеуді енгізу және жүзеге асыру;
2. теңдік – өз мүшелерінің тең құқықтары мен міндеттерінің болуы;
3. өзін-өзі қаржыландыру;
4. жауапкершілік;
5. қызметтің ашықтығы;
6. іскерлік және кәсіби бедел;
7. өзара көмек және өз мүшелерінің мүдделерін қорғау;
8. тәуелсіздік;
9. адал бәсекелестік

ҰТЕО қағидалары мен стандарттары «Өзін-өзі реттеу туралы» Қазақстан Республикасы Заңының, Қазақстан Республикасының Техникалық реттеу және стандарттау саласындағы заңнамасының және іскерлік әдеп қағидаларының талаптарына сәйкес әзірленді.

Мұнда өзін-өзі реттеу ережелері мен стандарттары.